История России - История России до конца XVI в.

vereschagin-praviteli-31

Подлинник на пергамене; во многих местах попорчен; наклеен на бумагу, исключая его верхнюю часть. Следы прикрепления печати у нижнего края. ЦГАДА, Гос. Древлехр., отд. I, рубр. III, № 2.

ДрРВ, I, № 3; СГГД, I, №2; Шахматов, О языке, сс. 238 - 240. Основание датировки: сообщение Новгородской I летописи о приглашении на Новгородский стол кн. Ярослава Ярославича под 6772 г.; ср. Пресняков, сс. 70 - 72; Кочин, сс. 199 - 201, 210.



[Благосл]овлен[и]е[1] от владыкы, поклонъ от по[са]д[ни]ка [Ми]хаила, и от [т]ысяцьскаго Кондрата, и [от] вс[е]хъ соцьскыхъ, и [от] всехъ старѣишихъ, и от всего Новагорода къ князю Ярославу. На семь ти, княже, хрьстъ цѣлов[а]ти, на цѣмъ то цѣловал[ь хрьстъ] отець твои Ярославъ. Держати ти Новъ[гор]одъ по пошлинѣ, како держалъ отець твои. Грамотъ ти, княже, не посужати. А мужа ти без вины волости не лишати. А бес посадника ти, княже, волостии не роздавати, ни грамотъ даяти. А волостии ти, княже, новгородьскыхъ своими мужи не держати, нъ держати мужи новгородьскыми; а даръ от техъ волост[ии] имати. А се волости новгородьскые: Волокъ съ всеми волостьми, а держати ти сво[и] тивунъ на половинѣ, а но[в]городець на пoлoвинѣ въ всеи волости Волоцьскои; а в Торожку, княже, держати тивунъ на своеи чясти, а новгородець на своей чясти; а Городець, княже, далъ Дмитрии съ новгородци Иванку; а того ти, княже, не отъяти, А се волости новгородьскые: Бежиче, Городець, М[еле]чя, Шипино, Егна, Вологда, Заволоцье, Колоперемь, Тре, Перемь, Югра, Печера; а ты волости дьржати мужи новгородьскыми; а даръ от нихъ имати. А свiньи ти бити за 60 верстъ от города.[2] А закладниковъ [9] ти, княже, не приимати, [ни] твоей княгыни, ни тво[и]мъ бояромъ; н[и с]е[лъ ти] держати по Новгородьскои волости, ни твоей княгыни, ни бояромъ твоимъ, ни твоимъ дворяномъ; ни свободъ ставити по Новгородьскои волости. А и Суждальскои ти земле Новагорода не рядити, ни волостии ти не роздавати. А на Озвадо ти, княже, ездити лѣтъ звери гонитъ. А в Русу не ехати, ехати ти в Русу на третиюю зиму. А в Ладогу, княже, ехати на третиее [л]ѣто. А осетрьнику твоему ездити в Ладогу по отца твоего грамоте. А куда пощл[о] судии твоему ездити по волости, ехат[и и]мъ межень по Петровѣ [д]ни. А что твои братъ отъялъ былъ пожне у Новагорода, а того ти, княже, отступитися: что новгородцевъ, то новгородьцемъ; а что пошло князю, а то княже. А выводъ ти, княже, въ всеи волости Новогородьскои не надобе. А дворяномъ твоимъ, княже, ходити по пошлинѣ, како пошло исперва. А от новгородьця й от новоторжьця у мыта имати от воза по 2 векши и от хмелна короба. А за Волок ти своего мужа не слатi, слати новгородца.[3] На томъ ти на всемь хрьстъ цѣловати по любъви, безъ всякого извета, въ правьду, при нашихъ послехъ.


[1] Утраченные и не поддающиеся прочтению места восстановлены по аналогии с док. Договорная грамота Новгорода с тверским великим князем Ярославом Ярославичем (1266).

[2] А свiньи... города вписано другими чернилами и другой рукой, на оставленном нарочно чистом месте.

[3] А за Волок. . . новгородца вписано; см. примеч. 2.


Текст воспроизведен по изданию: Грамоты Великого Новгорода и Пскова. М.-Л.; 1949. С. 9 - 10.

Комментарии
Поиск
Только зарегистрированные пользователи могут оставлять комментарии!
Русская редакция: www.freedom-ru.net & www.joobb.ru

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."