История России - История России до конца XVI в.

Сказание о великих кн(я)зех владимерских1 великия Руси

Отисториа Ханаонова и предела, рекомаго Арфаксадова, перваго с(ы)на Ноева, рожшагося по потопе. По отца своего Ноя бл(аго)с(ло)в(е)нию разделився вся вселенная на три части трем с(ы)номъ ег(о): Симу, Хаму и Афету. Извержеся от нерадения Хамъ от бл(а)гословения отца своего Ноя, зане не покры наготы отца своего Ноя, упившес(я) виномъ; егда истрезвися Нои от вина и вразуме, елико сотвори с(ы)нъ2 его меншии, и реч(е): «Проклять буди Хамъ да будет раб братома [л. 450] своима». И бл(аго)с(ло)ви дву с(ы)н(о)въ3 своих Сима и Афета, иж(е) покрыша наготу отца своег(о), опаки зрящи, наготы ж(е) не видеша. И бл(аго)с(ло)ви Симова с(ы)на Арфаксадова, яко да вселитца в пределех Ханаоновых; и родишася две близняте: первому имя Мерсемъ, второму – Хусъ. Сии началници Египту, и умножившимся их родомъ по коленомъ; отлучися Хус в глубочаишая страны Индея и распространис(я) тамо на востоце. Мерсу ж(е) умножишася племена даж(е) до сеи страны. Афету ж(е) излишняя племена от северных стран даж(е) и до полунощия.
И воста некии началникъ того ж(е) роду именемъ Фарис в Калаврииских странах, и созда град во имя свое именем Арфакса. Правнукъ ж(е) его именемъ Гаидуварсии, сеи первыи написа астрологию въ Ассирии во пределех Симовех, и по семъ Сотръ. Прьвее всех Сотрю воц(а)рися4 во Египте лет 20, и по колену его много лета преминуша. И от того роду нача ц(а)рствовати Филиксъ, и тои пообл(а)да5 вселенную. По Филиксе ж(е) многимъ летомъ минувшимъ въста некии ц(а)рь въ Египте от того ж(е) роду именемъ Нектанавъ волхвъ; сеи роди Александра6 Макидонского от Аламъпияды, жены Филипповы. Сеи вторыи пооблада вселенною летъ 12 и всех летъ живота ег(о) 32, и скончася, предаде Египетъ ряднику своему [л. 450 об.] Птоломею. М(а)ти ж(е) Александрова по см(е)рти с(ы)на7 своего возвратися ко отцу своему Фолу, ц(а)рю Ефиопскому. Фол же вдасть ю ко второму браку за Виза, сродника Нектанавола. Виз же роди от нея дщер(ь), и нареч(е) ю Антия, и созда град в Сосвенех, и нарече имя граду тому во свое имя и дщери своея – Визонтия, иж(е) н(ы)не зоветца Ц(а)рьград. И паки от Александра Макидонского премину до Птоломея Прокаженного во Египте Птоломеевъ 22. Птоломеи, иж(е) Прокаженныи, имея дщер(ь) зело премудру именемъ Клеопатру. И та правяше Египетъское ц(а)рство под отцемъ своимъ Птоломеемъ.
И в от ж(е) время Иулие, кесар(ь) Римскии, посла зятя своего Антонина, стратига Римскаг(о), воинствомъ на Египет. Антонину ж(е) пришедшу со многими вои по суху и по морю на бран(ь) ко Египту. Посла ж(е) Клеопатра ко Антонину, стратигу Римъскому, послы своя з дары многими, г(лаго)лющее: «Веси ли, о стратиж(е) Римскии, Египетское ц(а)рство и б(о)гатство; луч(е) ми есть с покоемъ ц(а)рствовати, неж(е)ли с малоумиемъ излияти крови ч(е)л(овече)ския». Оумили же с(я) Антонинъ и приятъ Египетъ бес крови, и посяж(е), занеже ц(а)р(и)ца Клеопатра пр(е)м(у)драя; и воц(а)рис(я) Антонии во Египте.
Оуслышав Иулие, кесар(ь) Римскии, Антонииново презорстьво, и постави брата своего Августа стратигомъ над ипаты, и посла его с четырми [л. 451] браты своими и со всею областию Римскою на Антония; и пришед Авгус(т) и взять Египетъ, уби зятя своего Антонина, и сам седе во Египте, и, взяв же Клеопатру, ц(а)р(и)цу и дщер(ь) Птоломея, ц(а)ря Прокаженнаго, и посла ю в Римъ в кораблех со многимъ б(о)гатествомъ египетскимъ; [244] и Клеопатра уморис(я) адом аспидовымъ, во уме гл(аголю)щи: «Лутчи ми ес(ть), ц(а)р(и)ци Египецкои, см(е)рть прияти, нежели пленицею приведеннои быти в Римъ».
Восташа ж(е) ипаты на Улия кесаря: Вкрутос, и Помпли, и Крас; и убиста ег(о) в Риме; и скоро приде вес(ть) ко Авгус(ту) во Египетъ о Улиеве см(е)рти. Он же зело опечалися о братнии см(е)рти, и скоро созва вся воеводы, и чиноначалники, и нумеры, и препроситы, и возвещаетъ имъ см(е)ртъ Иулия, кесаря Римского. Они ж(е) единогласно реша, римляне и египтяне: «О преславныи стратиж(е), Иулия кесаря, брата твоего, от см(е)рти8 воставити не можемъ. А твое величество венчаемъ венцемъ Римскаг(о) ц(а)рства». И облекоста ег(о) во одежю Сеострову, началнаго ц(а)ря Египту, в порфиру и висон, и препиясаста его поясомъ дермлидомъ, и возложиста на гл(а)ву его митру Пора, ц(а)ря Индеискаго, юж(е) принесъ Александръ, ц(а)рь Макидонскии, от Индея. И приодеша его по плещама окроиницею ц(а)ря Филикса, владущаг(о) вселенною, в радостне воскликнуша велимъ гл(а)сомъ: «Радуися, Августе, ц(а)рю Римскии всея вселенныя».
В лет(о) 5000 четыреста 57-е [л. 451 об.] Августу, кесарю Римъскому, грядущу во Египет съ своими ипаты, иж(е) власть египецкая рода Птоломеева; и срете его Ирод Антопатров, творя ему велие послужение вои, и пищею, и дарми. Предаде ж(е) Б(ог)ъ Египетръ и Клеопатру в руце Августу. [А]вгустъ ж(е) начат донь подкладати на вселеннеи. И постави брата своего Патрикия ц(а)ря Египту. Августалиа, другаго брата своего, постави Александрии властодръжьца. Ирода ж(е) Антопатрова Асколотянина за многия ради его почести постави ц(а)ря над Иньдеею9 во Иер(у)с(а)л(и)ме. Асию ж(е) поручи Евлагерду, сроднику своему. Алирика ж(е), брата своего, постави в поверши Истран; Пиона постави во Отоцех Златых, иж(е) н(ы)не наричются Угрове. А Пруса, сродника своего, в брезе Вислы реце во граде Малборокъ, и Турнъ, и Хвоини, и прословныи Гданескъ, и иные многие грады по реку, гл(агол)емую Немон, впадшюю в море; и жить Прус многа времена и до четвертого роду, и оттоле и до сего времени зовется Прусская земля.
И в то время некии воевода Новгородцкии именемъ Гостомыслъ скончеваетъ свое житие, и созва вся владелца Новагорода, и рече имъ: «О мужие новгородцы, советъ даю вамъ азъ, яко да пошлете в Прускую землю мужа м(у)дрыи призовите оттамо сущих родов владелца собе». Они ж(е) шедше в Прускую землю и обретоша [л. 452] тамо некоего кн(я)зя именемъ Рюрика, суща от рода римског(о) Августа ц(а)ря. И молиша кн(я)зя Рюрика посланницы от всех новгородцов, дабы шел к нимъ княжити. Кн(я)зь ж(е) Рюрик прииде в Новгород, имея съ собою два брата; имя единому Трувар, а другому Сенеус, а третеи – племянникъ его с нимъ именемъ Олег. И от того времени10 и наречен быс(ть) великии Новград; и нача кн(я)зь велики Рюрикъ Прьвыи княжити в нем. В лет(о) 6375 отвеликого князя Рюрика кн(я)зь велики Владимер 40е колено иж(е) прос(ве)тилъ Рускую землю с(вя)тымъ крещениемъ в лет(о) 6496-е.
Поставление великих кн(я)зеи руских, откуду бе и како начашас(я) ставити на великое кн(я)жение с(вя)тыми бармами и ц(а)рскымъ венцем.
В лет(о) 6622 бысть сии кн(я)зь велики Владимер Всеволодичь Манамах, кн(я)зь велики Киевскии, правнукъ великого кн(я)зя Владимера, крестившаго Рускую землю, от него ж(е) четвертое колено. Тои бо Маномах прозвас(я) от таковыя вины: в Киеве на великое кн(я)жение начать советъ творити со кн(я)зи своими, и з бояры, и с велможи, гл(агол)я, такъ рекъ: «Еда аз мал есмь, иж(е) преж(е) меня ц(а)рствовавших и хоругви правящих скипетра великия Росия, якож(е) кн(я)зь великии Олег ходил и взял зъ Ц(а)ряграда велию дань на вся воя своя и здрав возвратис(я) восвояси. И потомъ кн(я)зь великии [л. 452 об.] Всеслав Игоревич ходилъ и взял на Костянтине граде тяжчаишую дань. А мы есмь Б(о)жиею м(и)л(о)стию настолници своих прародителеи и отца моего, великого кн(я)зя Всеволода Ярославича, и наследницы тоя ж(е) чести11 от Б(о)га сподоблении. И н(ы)не убо советъ исщу от вас, моея полаты, кн(я)зеи, и бояр, и воевод, и всего над вами хр(и)столюбиваго воиньства; и да превознесетца имя с(вя)тыя живоначалныя Тро(и)ца вашия храбрости могутствомъ, Б(о)жиею волею с нашимъ повелениемъ; и киими советъ противу воздаете?» Отъвещаста ж(е) великому кн(я)зю Владимеру Всеволодичю кн(я)зи, и бояре его, и воеводы; и реша ему: «Сердце ц(а)р(е)во в руце Б(о)жьи, якож(е) есть писано. А мы вси есми раби твои и под твоею властию».
Великии же кн(я)зь Владимер збираетъ воеводы бл(а)гоискусныи, и бл(а)горазумныи, и б(о)горазсудныи; поставляетъ чиноначалники над различными чины борения тысящники, и сотники, и пятьдесятники; и [245] совокупи многи тысяща воиствъ, и отпусти их на Африкию Ц(а)ряграда области; и поплениша их доволно, и возвратишас(я) со многимъ б(о)гатеством здрави восвояси.
Тогда ж(е) бе во Ц(а)реграде бл(а)гоч(е)стивыи ц(а)рь Костянтин Манамах, и в то время бран(ь) имея с персы и с латыни; и составляетъ ж(е) советъ бл(а)гъ пр(е)м(у)дреи ц(е)ркви, отряжаетъ убо послы к великому кн(я)зю [л. 453] Всеволодичю митрополита Ефескаго Неофита от Асиа и с ним два еп(и)с(ко)па – Митулинского и Милитиискаго, и стратига Антиохеиского, игемона Иер(у)с(а)л(и)мьсскаго Иеустафия, и иных своих бл(а)городных. От своея ж(е) царскиа выа снимаетъ животворящии кр(е)стъ от самого животворящаго древа, на нем же распятся вл(а)д(ы)ка Х(ристо)с. Снимаетъ ж(е) от своея гл(а)вы и ц(а)рскии венець и поставляетъ его на блюде злате. Повелеваетъ ж(е) принести и крабицу сердоликову, из неяж(е) Августиан, ц(а)рь Римскии, веселяшес(я). Посылает ж(е) и ожерелие, сиреч(ь) с(вя)тыя бармы, иж(е) на плещу свою. И чеп(ь) от злата арависка скованну, и ины многы дары ц(а)рския; и дасть их митрополиту Неофиту и еп(и)с(ко)помъ своимъ бл(а)городнымъ посланникомъ, и отпусти их к великому кн(я)зю Владимеру Всеволодичю, м(о)ля его, гл(агол)я: «Прими от нас, бл(а)голюбивыи и бл(а)говерныи кн(я)же, сия ч(е)стныя дарове, иж(е) от начала вечных летъ твоего бл(а)городия, и поколении ц(а)рскых жребии на славу и ч(е)сть на венчание твоег(о) волнаго и самодръжавнаго ц(а)рствия; о немъж(е) начну молитис(я) наши посланницы, что мы от твоего бл(а)городия просимъ мира и любве; яко да ц(е)ркви Б(о)жия будетъ, и все православие в покои пребудетъ под сущею властию нашего ц(а)рства и твоего волного самадержавства Великия Росия. Яко да нарицаешися отселе б(о)говенчанныи ц(а)рь, венчан сим [л. 453 об.] ц(а)рьскимъ венцем рукою с(вя)теишаго12 митрополита Киръ и Неофита съ еп(и)с(ко)пы».

И с тог(о) времени кн(я)зь велики Всеволодичь наречеся Манамах, ц(а)рь Великия Росия. И потомъ пребыста прочая времяна с ц(а)рем Костянтиномъ кн(я)зь13 велики Владимер в мире и любви. Оттоле и дон(ы)не темъ ц(а)рскимъ венцемъ венчаются великие кн(я)зи Владимерсти. Его ж(е) прислал греческии ц(а)рь Костянтин Манамах, егда ставятся на великое кн(я)жение14 Руское. А преставис(я) кн(я)зь велики Владимер Киевскии Манамах в лет(о) 6633, кн(я)жив в Киевелет 13. А жил всех летъ 73, и положен бысть во св(я)теи Софеи в Киеве маия въ 19 д(ень).

Чин и поставление на великое кн(я)жество, сице бываетъ, зри и внимаи.
Посреде с(вя)тыя великиа соборныя ц(е)ркви уготовають ц(а)рскии чертог сииреч(ь) великое место, на немъж(е) с(вяти)телеи ставятъ и устроятъ у него 12 степении и облекутъ ег(о) все червленым чрьвцемъ. И от того чертожного места постилаютъ червчатъ постав до ц(а)рьских двереи. И потомъ поставляютъ налои с паволокою среде ц(е)ркви близ ц(а)рьских двереи велми украшен, на немъже стояти животворящему кр(е)сту и ц(а)рьскому сану, с(вя)тымъ бармамъ и ц(а)рскому венцу на златомъ блюде. И потомъ учинять на томъ чертожномъ [л. 454] месте три стулы з золотыми паволоками и с саженными подушками. И на подножии постилають бархаты и камки великимъ кн(я)зем и митрополиту до преж(е)реченаг(о) налоя. Аще ли несть отца великого кн(я)зя, то поставляютъ два стула: великому кн(я)зю да митрополиту. И потомъ поставляютъ по обою страну от чертожного места две великие скамии з драгими полавочками и до предиреченнаго ж(е) налоя, где стояти с(вя)щ(е)нному собору. И потом уготоваютъ ц(а)рьское место на деснеи стране, и от того ц(а)рьског(о) места постилаютъ червчатъ постав и до ц(а)рьских двереи, а от ц(а)рских двереи и до ц(а)рского места сверхъ постава постилаютъ бархаты червчаты на прехожение ц(а)рьского пути.
И о томъ брегут чиновники того чертога и ц(а)рьского места, дондеж(е) великие кн(я)зи придуть во с(вя)тую соборную ц(е)рк(о)вь и дондеж(е) совершится то ц(а)рьское постановление. И егда приспеетъ то время тому ц(а)рскому поставлению, и по совету15 великого кн(я)зя приходитъ митрополитъ в соборную ц(е)рк(о)вь, а с нимъ архиеп(и)с(ко)пы, и еп(и)с(ко)пы, и архимандриты, и вес(ь) с(вя)щ(е)нныи собор; и тог(о) да архидьякон или протодияконъ сретаютъ митрополита во ц(е)рьковных дверех с кандиломъ. И пад(ь)яки с лампадою и со свещами по ц(е)рк(ов)ному чину. И митрополитъ входитъ во с(вя)тую ц(е)рк(о)вь со архиеп(и)с(ко)пы, [л. 454 об.] и еп(и)с(ко)пы, и со всемъ с(вя)щ(е)нным соборомъ, да знаменуются у с(вя)тых икон. И потом входятъ во с(вя)тыи16 олтари ц(а)рскими дверми, и тамо облачатся во с(вя)т(ите)льская одеж(и), и ожидаютъ прихода с(вя)т(о)го животворящего кр(е)ста, и с(вя)тыи бармы, и ц(а)рьскаго венца, и скипетра; [246] и тогда кн(я)зь велики с нареченнымъ великимъ кн(я)земъ отпущаютъ с(вя)тыи животворящи кр(е)стъ, и с(вя)тыя бармы, и ц(а)рскии венецъ, и скипетръ въ соборную ц(е)рк(о)вь напред собя изъ ц(а)рских полатъ. Аще ли нестъ отца великого кн(я)зя, то един кн(я)зь велики нареченныи отпущаетъ отца своег(о) д(у)ховнаго и своя велможи, и тогда бл(а)городныи князь великии приимъ с(вя)тыи17 и животворящии кр(е)стъ своима рукама и тои ц(а)рскии свои сан на златомъ блюде, и, покрыв златою паволокою, на неиж(е) сажен кр(е)стъ бисеромъ и многоценнымъ камениемъ и вдасть протопопу. Он же приемлеть со страхомъ и трепетом, и поставляетъ на верхъ гл(а)вы у собя, и отпущаетъ с нимъ кн(я)зь великии казначеев со ц(а)рскимъ своимъ скипетромъ, и велмож своих, и иных бл(а)городных на ч(е)сть с(вя)тому18 животворящему кр(е)сту и своему ц(а)рьскому венцу. И егда понесуть къ соборнеи ц(е)ркви тои с(вя)тыи кр(е)стъ и ц(а)рскии и с(вя)тыи санъ. И тогда во вся колоколы зазвонятъ, и тогда придуть к соборнои ц(е)ркви къ южнымъ вратомъ, сииречь ко ц(е)рковным дверемъ. И тогда митрополитъ, [л. 455] и архиеп(и)с(ко)пы, и еп(и)с(ко)пи, и вес(ь) с(вя)щ(е)нныи собор исходятъ из олтаря, сретаютъ с(вя)тыи кр(е)стъ и ц(а)рскии санъ у ц(е)рк(о)вных вратъ, и архидиякон покадитъ.
И тогда протопопъ снимаетъ со гл(а)вы тои с(вя)тыи крестъ и ц(а)рскии сан на златомъ блюде и держитъ на руках ч(е)стно. И приходять два архиеп(и)с(ко)па или два еп(и)с(ко)па и приимаютъ у протопопа тои с(вя)тыи кр(е)стъ и ц(а)рски сан на златомъ блюде покрыть. И приносять к митрополиту во с(вя)тую ц(е)рк(о)вь. И тогда митрополить со страхом и великою ч(е)стию покланяется. И приемлеть своима рукама тои с(вя)тыи животворящии кр(е)сть, и ц(а)рскии санъ на златомъ19 блюде покрыть драгою паволокою, на неиж(е) саженъ кр(е)стъ бисеромъ и многоценнымъ камениемъ, и, шед, поставляетъ на преж(е)уготованномъ налои среде20 ц(е)ркви. И поддержимъ бываетъ двема архидьякономъ и протодиякономъ под руки. И потомъ митрополить приемлеть кадило съ бл(а)говонным уханиемъ и кадить кр(е)стообразно тои с(вя)тыи животворящии кр(е)сть и ц(а)рскии сан, и потомъ, скрыв, мало покланяется со всякимъ бл(а)гочиниемъ. И потомъ целуеть образ Сп(а)совъ, и образ пр(е)ч(и)стыя Б(огороди)ца, и животворящии кр(е)стъ, и прочих с(вя)тых на тои стене обарме, и ц(а)рски венецъ. Ц(а)рьскии ж(е) скипетръ приимъ, митрополить поставляет [л. 455 об.] у того ж(е) налоя близ ц(а)рсково венца. И потомъ архиеп(и)с(ко)пи, и еп(и)с(ко)пи, и вес(ь) с(вя)щенныи собор, которымъ быти на томъ ц(а)рскомъ поставлении, покланяются и знаменуются. Прочимъ ж(е) никако приступати или кланятися.
И потомъ приимъ кадило, и покадить кр(е)стаобразно, и покрываетъ преж:(е)реч(е)ною паволокою, на иж(е)21 сажен бысть кр(е)стъ бисеромъ и драгимъ камением. И митрополить целуеть с(вя)тыи кр(е)сть, и покланяется, и отходить на свое место. И ожидаетъ входа великих кн(я)зеи. И около того налоя, на немже стоить с(вя)тыи кр(е)стъ, и с(вя)тая бармы, и ц(а)рскии венецъ, предстоять те ж(е) посланные велможи великог(о) кн(я)зя и брегутъ со страхомъ и трепетом, чтоб ничтож(е) от простых ч(е)л(ове)къ прикоснулся того ц(а)рьскому сану и венца. И тогда великие кн(я)зи исходятъ из ц(а)рских своих полатъ и идуть скорбнои ц(е)ркви по ц(а)рьскому своему чину оба вкупе. И пред ними идеть д(у)ховникъ великого кн(я)зя со кр(е)стомъ и съ с(вя)тою водою, да кропитъ кр(е)стаобразно и до соборныя ц(е)ркви. И за великими кн(я)зи идуть великого кн(я)зя братия и дети их по тому ж(е) ц(а)рскому сану их со всякимъ бл(а)гочиниемъ, и по них боляре, и прочи велможи, и кн(я)жата, и дети боярские, и вся бл(а)городная юноша множ(е)ство много, по тому ж(е) идуть со страхомъ и трепетом. И бываетъ ж(е) тогда всенародное многое множ(е)ство православных хр(и)стиян, имже нес(ть) [л. 456] числа, и вси предстоятъ со страхомъ и с великимъ вниманиемъ по своимъ местомъ. И никтож(е) тогда дръзнетъ преходити ц(а)рского пути и до соборныя ц(е)ркви, но вси со страхомъ предстоят, кождо на своемъ месте, и славятъ Б(о)га, и дивятся ц(а)рскому их чюдному прехожению. Бе бо по ибоим странам тогда великих кн(я)зеи околничие идуть, и проч(а)я чиновники, и множ(е)ство много со всякимъ вниманиемъ и украшениемъ, кождо по своему чину.
Си егда внидуть великие кн(я)зи в соборную ц(е)рк(о)вь. И дьяки поютъ многолетие великимъ кн(я)земъ. Аще ли един кн(я)зь велики, то единому поютъ великому кн(я)зю Ивану Васил(ь)евичю всеа Руси по обычаю. И тогда великие князи поидуть молитися и знаменатися и ко с(вя)тымъ иконам и к великимъ чюдотворцемъ, и потомъ приходять к митрополиту бл(аго)с(ло)витися, митрополит же их бл(аго)с(ло)вляетъ по чину. И отходятъ на своя места. Митрополить ж(е) тогда стоить у крилоса у своег(о) места со [247] всемъ с(вя)щ(е)ннымъ собором во всемъ с(вя)т(ите)льскомъ сану и повелеваетъ архидьякону начата. И поют молебен пр(е)ч(и)стои Б(огороди)ци да чюдотворцу Петру. Тогда ж(е) великого кн(я)зя околничие и прочии чиновники ходять по всеи ц(е)ркви и устрояютъ народы, чтоб стояли со всякимъ молчаниемъ, и кротостию, и целомудрымъ въниманиемъ. И потомъ митрополить посылаетъ со бл(а)гословениемъ архимандрита, [л. 456 об.] да игумена, да дву ключареи, да дву дьяков по всеи ж(е) ц(е)ркви говорити, чтоб вси православные хр(и)стияне стояли со страхомъ, и трепетом, со всяцемъ молчаниемъ и молили бы Г(оспод)а Б(ог)а, и пр(е)ч(и)стую Б(огороди)цу, и великих чюдотворцов, и всех с(вя)тьгх за г(о)с(у)д(а)ря великого кн(я)зя, чтоб его Г(о)с(по)дь Б(о)гъ совершил ц(а)рскимъ венцем, и умножил бы летъ живота ег(о), и устроил бы ц(а)рство его мирно и вечно в род и род навеки.
И по совершени молебна, и по «Достоине ес(ть)», и по тр(и)с(вя)том, и по тръп(а)рех митрополить, и кн(я)зь велики, и нар(е)ченныи кн(я)зь велики поидуть на уготованное место. И вшед, кн(я)зь велики и митрополить сядуть на своих местех. И нареченныи кн(я)зь великии пред ними станетъ на вышнем степении, не восходя на место. Архиеп(и)с(ко)пы, и еп(и)с(ко)пы, и вес(ь) с(вя)щ(е)нныи собор станутъ по своимъ местомъ, а великого кн(я)зя братия и дети стоять близ великих кн(я)зеи с десныя страны, а за ними боляря и прочие велможи по своему чину, и со страхомъ и со всяцемъ вниманиемъ зрятъ к великому кн(я)зю, ожидаютъ речи и22 великог(о)23 кн(я)зя к митрополиту, и митрополичии реч(и) к великому кн(я)зю. Бываетъ ж(е) тогда по всеи ц(е)ркви в народе великое молчание и тишина, да никтож(е) дерзнеть вещати праздных гл(агол)ъ, но вси со страхом и трепетом да предстоять, бл(а)годарственую славу Б(о)гу всылаютъ за г(о)с(у)д(а)ря великого кн(я)зя. И потом кн(я)зь велики и митрополить [л. 457] востанутъ.
И великому кн(я)зю в ту пору говорить свои речи к митрополи[ту]:
«0(т)че прес(вя)щ(е)нныи митрополите, Б(о)жиим изволениемъ от наших прародителеи великих кн(я)зеи старина наша, то и до сих месть о(т)ци великия кн(я)зи с(ы)номъ своимъ первымъ давали великое кн(я)жество, и о(те)ць мои, княз(ь) велики, мене при собе еще бл(а)гословил великимъ кн(я)жеством Владимерским, и Новгородскимъ, и Московскимъ, и всея Руси. И аз н(ы)не бл(аго)с(ло)вляю при собе и после собя прьваго с(ы)на своег(о) Ивана великимъ кн(я)жеством Владимерским, и Новгородскимъ, всея Руси. И то бы его от(е)ць нашь на то великое кн(я)жество бл(а)гословил, и поставил, и венчал его ц(а)рскимъ венцемъ по древнему нашему чину». И по семь велитъ митрополит нареченному великому кн(я)зю вступити на место. И бл(аго)с(ло)вить ег(о) кр(е)стом.
Аще ли несть отца великого кн(я)зя, но един с(ы)нъ поставляемыи на великое кн(я)жество. И тогда княз(ь) великии и митрополить вшед на место, сядуть, и, посидев мало, востанут. И тогда кн(я)зь велики говорит митрополиту реч(ь) сию.
Речи великого кн(я)зя к митрополиту:
«0(т)ч(е) прес(вя)щ(е)нныи24 митрополите, Б(о)жиимъ изволениемъ от наших прародителеи великих кн(я)зеи старина наша, то и до сех месть отци наши великие князи с(ы)номъ своимъ первымъ давали великое кн(я)жество. И от(е)ць мои, кн(я)зь велики Василеи Иванович всеа Руси, и мене, прьвого с(ы)на своего Ивана, при собе [л. 457 об.] еще и после собя бл(аго)с(ло)вил великимъ кн(я)жеством Владимерскимъ, и Новгородцкимъ, и Московскимъ, и всеа Руси; и велел стати на то великое кн(я)жество, и помазатис(я), и венчатис(я) темъ ц(а)рскимъ венцем, нарещис(я) великимъ кн(я)зем, б(о)говенчанньм ц(а)ремъ по древнему нашему ц(а)рскому чину. Да о томъ от(е)ць мои кн(я)зь велики и во своеи д(у)ховнои написал. И ты б(о), от(е)ць нашь, на то великое княжество по Б(о)жьеи воли и по бл(а)гословен(и)ю отца моего, великог(о) кн(я)зя Васил(и)я Ивановича, самодержьца, меня бл(аго)с(ло)вилъ, и помазал, и поставил, и нарек великим кн(я)земъ, б(о)говенчаннымъ ц(а)ремъ, и венчал бы еси меня темъ ц(а)рьскимъ венцем по древнему нашему ц(а)рьскому чину».
И митрополить ж(е) его бл(аго)с(ло)витъ кр(е)стомъ да против его говорить реч(ь).
Речи митрополичи к нареченному великому кн(я)зю:
«Всесилнаго Б(о)га, Отца Вседержителя, изволениемъ и бл(а)говолениемъ единородного Ег(о) С(ы)на, Г(оспод)а Б(ог)а и Сп(а)са н(а)шего, И(ису)с Х(рист)а, и поспешениемъ с(вя)т(о)го и жи[во]творящего Д(у)ха, всемогущия Троица волею и хотениемъ, и от ваших прародителеи и великих кн(я)зеи Великия Росиа старина ваша, то и до сех месть о(т)ци великия кн(я)зи с(ы)номъ своимъ первымъ давали великое кн(я)жество, [248] и дед твои, кн(я)зь великии Иван Васил(ь)евич всея Руси, при собе еще бл(аго)с(ло)вилъ великимъ кн(я)жествомъ с(ы)на своего, великого кн(я)зя Васил(и)я Ивановича, отца твоего, всея Руси самодръжца, и Б(о)жия воля с сталас(я): о(те)ць твои, кн(я)з(ь) [л. 458] велики Василеи Иванович, самодръжецъ, оставль земное ц(а)рство и приим ангилскии образ, от(ъ)иде на Н(е)б(е)сное Ц(а)рство, а теб(я), Б(о)гомъ дарованаго и возлюбленнаг(о) прьваго с(ы)на своего Ивана, при собе еще и после собя бл(аго)с(ло)вил великимъ кн(я)жествомъ Владимерскимъ, и Новгородскимъ, и Московскимъ, и всея Руси; и велелъ тобе, с(ы)ну своему Ивану, на то великое кн(я)жество стати, и помазатися, и венчатися б(о)говенчаннымъ ц(а)рскимъ венцемъ по древнему вашему ц(а)рскому чину. И намъ бы тобя о С(вя)томъ Д(у)се г(о)с(по)д(и)на с(ы)на, великого князя Ивана Васил(ь)евича, всеа Руси самодръжьца, по Б(о)жьи воли и по бл(а)гословению отца твоего, великог(о) кн(я)зя Василия Ивановича, всеа Руси самодръжца, бл(аго)с(ло)вити и поставити на великое кн(я)жество, и нарещи, и помазати, и венчати ц(а)рскимъ саномъ и венцемъ. И отн(ы)не25 о С(вя)темъ Д(у)се, г(о)с(по)д(и)нъ и возлюбленныи и с(ы)ну с(вя)тыя ц(е)ркви, и н(а)шего смирения Б(о)гомъ возлюбленныи и Б(о)гомъ избранныи, и Б(о)гомъ почтенныи и нареченныи, и поставляемы от вышняго Промысла поданнеи намъ благодати от С(вя)т(о)го и животворящег(о) Д(у)ха. Се от Б(о)га н(ы)не поставляешис(я), и помазуешися, и нарицаешися кн(я)зь велики Иван Васил(ь)евич, всеа Руси б(о)говенчанныи ц(а)рь и самодержецъ Великия Росия. И да умножить Г(о)с(по)дь Б(ог)ъ летъ ц(а)рству твоему, и положить на главе твоей венецъ от камени ч(е)стна, и даруетъ тебе долготу [л. 458 об.] дни, и вдасть тебе Г(о)с(по)дь в деснице твоеи скипетръ ц(а)рствия, и посадит тя на престоле правды, и оградится всеоруж(е)ствомъ С(вя)т(о)го Д(у)ха, и утвердит мышцу твою и покорить тебе вся, яко варварскии бранемъ хотящая. И всеетъ Г(о)с(по)дь в сердци твоемъ страх твои, еже к послушным м(и)лостивное, и соблюдеть тя Г(о)с(под)ь в непорочнеи вере, и покажеть тя опасна хранителя с(вя)тыя своея соборныя ц(е)ркви, веления их. Да судиши люди твоя правдою и нищих судомъ, да возсияеть во днех твоих правда и множ(е)ство мира, да в тихости твои тихои безм(о)лъвно житие поживемъ во всякомъ бл(а)гоч(е)стии и ч(и)стоте, да зде добре и бл(а)гоугодно пожив, и наследникъ будеши Н(е)б(е)снаго Ц(а)рствия со всеми с(вя)тыми православными ц(а)ри».
И потом митрополить повелитъ дву архимандритомъ и игумену болшиимъ принести с налоя кр(е)сть животворящаго древа на златомъ блюде. И как архимандриты и игумен принесутъ к месту с(вя)тыи животворящии кр(е)стъ. И архиеп(и)с(ко)пъ и два еп(и)с(ко)па у них возмуть животворящии кр(е)стъ да приносят к митрополиту на златомъ блюде. И митрополитъ покланяетца (три)ж(ды) животворящему кр(е)сту и, целовав, да бл(а)гословитъ великого кн(я)зя темъ кр(е)стомъ животворящего древа, на немъже распять бысть Г(о)с(под)ь нашь И(ису)с Х(ристо)с, что прислал тотъ кр(е)сть греческии ц(а)рь Костянтин [л. 459] Манамах на поставление к великимъ кн(я)земъ руским з бармами и с шапкою. И с Неофитомъ Ефескимъ митрополитъ и с прочими посланники.
И возлагаетъ митрополитъ тои животворящии кр(е)стъ на выю великог(о) княз(я).
И потомъ велитъ архидьякону начата алое диаконство.
Октен(и)я.
«Паки и паки миром Г(оспод)у помолимся. Заступи, сп(а)си, помилуи и сохрани нас, Б(о)же, пр(е)с(вя)тую, ч(и)стую и пребл(аго)с(ло)в(е)ную Вл(а)д(ы)ч(и)цу».
И поставляему ц(а)рю бо преклоншу главу. И митрополитъ возложитъ на верхъ гл(а)вы его руку. И гл(аголе)ть митрополитъ м(о)л(и)тву сию въ слушание всемъ.
«Г(оспод)и Б(о)же н(а)шь, Ц(а)рю ц(а)рствующим и Г(о)с(по)дь господствующим, иже Самоиломъ прор(о)комъ избрав раба своего Д(а)в(и)да, и помаза того, воц(а)ря над людми своими И(зра)иля. Ты н(ы)не услыши м(о)л(и)тву раб своих недостоиныхъ и виж(дь) от с(вя)т(о)го жилища Твоего вернаго Ти раба Ивана, еж(е) бл(а)говолил ес(ть) воздвигнути ц(а)ря во языце моемъ Твоемъ с(вя)томъ, егоже стяжал26 еси и ч(е)стною Ти кр(о)вию единородного Ти С(ы)на помазати сподоби елеомъ возрадования, одеи тог(о) силою свисше, положи на главе его венецъ от камени ч(е)стна, даруи тому долготу дни. Даж(дь) в десницы его скипетро ц(а)рствиа, посади того на пр(е)столе правды, огради того всеоружествомъ С(вя)т(о)го Ти Д(у)ха, утверди того мышцу, покори ему вся языки варварския, всеи в с(е)рдце его [л. 459 об.] страх Твои, еж(е) к послушнымъ м(и)л(о)ст(и)вное соблюди того в непорочнеи вере, покажи того опасна хранителя с(вя)тыя [249] Твоея соборныя ц(е)ркви веления их, да судя люди Твоя правдою и нищих Твоих судомъ, сп(а)сетъ с(ы)ны убогих и наследник будеть Ти Н(е)б(е)снаго Ц(а)рствия».
Възглашение. «Яко твоя дръжава и твое ес(ть) ц(а)рство, и сила, и слава Отца и С(ы)на и С(вя)т(о)го Д(у)ха и н(ы)не и пр(и)сно».
И по м(о)л(и)тве митрополить посылаетъ дву ж(е) архимандритов да игумена болших по с(вя)тымъ абармы. И [п]овелеваетъ имъ налоя взяти ч(е)стно на златомъ блюде. И какъ архимандриты и игумен принесуть с(вя)тыя бармы к месту, и митрополитъ повелеваетъ трем еп(ис)к(о)помъ у них взяти с(вя)тыя27 бармы на златомъ блюде и принести к себе. И какъ еп(и)с(ко)пи и митрополиту принесутъ с(вя)тыя бармы на златомъ блюде, и митрополитъ покланяется (три)ж(ды) с(вя)тымъ бармам и потомъ целуеть их, приимъ своима рукама, и знаменаеть ими и поставляемаго великог(о) кн(я)зя. И повелеваеть ему, прекр(е)стивьс(я), их целовати. И потомъ митрополитъ вдасть с(вя)тыя бармы великому кн(я)зю-отцу на руки. И кн(я)зь великии знамена вся их целуетъ. Да возлагаетъ на поставляемаго великого кн(я)зя, и митрополитъ бл(а)гословляетъ поставляемаго великого кн(я)зя кр(е)стомъ.
Аще ли несть отца великог(о) кн(я)зя, [л. 460] то митрополитъ возлагаетъ с(вя)тыя бармы на поставляемаго великого кн(я)зя, потомъ бл(аго)с(ло)витъ его кр(е)стомъ.
И гл(аголе)ть митрополитъ: «Миръ всемъ». Архидиякон же: «Г(оспод)у помолимся». И митрополи(т) гл(аголе)ть молит(ву) сию:
«Тебе, единому ц(а)рю, веком иж(е) и земное ц(а)рство тобою вверенныи, поклони выю с нами. И м(о)лимь ти с(я), Вл(а)д(ы)ко всех, сохрани того под кровомъ твоимъ у дръжави тог(о) ц(а)рства. Бл(а)гоугодная Ти творити всегда того сподоби, въсия во днех его правду и множ(е)ство мира, да в тихости его безмолвно житие поживем во всякомъ бл(а)гоч(е)стии и ч(и)стоте».
Възглас28 «Ты бо еси Ц(а)рь мирови и Сп(а)съ д(у)шамъ нашимъ, Тебе славу всылаемъ Отцу и С(ы)ну и С(вя)тому Д(у)ху и н(ы)не и пр(и)сно и в веки векомъ. Амин(ь)».
И по амине. Митрополитъ посылаетъ всех архимандритов и игуменов во ц(а)рьскии венецъ к месту. И митрополитъ повелеваетъ трем еп(и)с(ко)помъ взяти ц(а)рскии венецъ на зл(а)том блюде. И архиеп(и)с(ко)пи со всеми еп(и)с(ко)пи, приимъ ц(а)рски венецъ, принесутъ к митрополиту на златом блюде. И митрополитъ, прекр(е)стив рукою, ц(а)рьскии венецъ целуетъ и, приимъ своима рукама, даетъ отцу великого кн(я)зя. И поставляемаго великого кн(я)зя митрополитъ бл(аго)с(ло)вить кр(е)стомъ, гл(агол)я: «Во имя Отца и С(ы)на и С(вя)т(о)го Д(у)ха». И кн(я)зь великии, знаменався, ц(а)рьскии венецъ целуетъ да возлагаетъ его на [л. 460 об.] поставляемаго великого кн(я)зя. [А]ще ли несть отца великого кн(я)зя, то возлагаетъ ц(а)рскии венецъ на великого кн(я)зя митрополитъ. И потомъ приимъ его за десную руку. И поставляетъ ег(о) на ц(а)рскомъ его месте, бл(аго)с(ло)вляетъ его рукою, отшедше, поклонится ему. И потомъ станетъ митрополитъ на своемъ месте. И кн(я)зь велики против митрополита поклон творитъ, мало скрав ц(а)ского венца, и потомъ митрополитъ посылаетъ по ц(а)рскии скипетръ архимандрита да дву игуменов. И как архимандритъ и игумены принесутъ тои ц(а)рьскии скипетръ к месту, и архиеп(и)с(ко)пъ съ еп(и)с(ко)пы у них возмутъ да приносяъ к митрополиту. И митрополитъ у них приимъ тои ц(а)рскии скипетръ, да прекр(е)ститъ его рукою и дасть его великому кн(я)зю-отцу. Кн(я)зь же великии, приимъ десною рукою, и вдаетъ его с(ы)ну своему, поставленному великому кн(я)зю, гл(агол)я: «Приими, с(ы)ну Иване, от Б(о)га вданое ти скипетро, и храни ег(о), елика твоя сила». Он же приемлетъ десною рукою и поклонитися отцу. Аще ли несть отца, то митрополитъ приимъ ц(а)рски он скипетръ и, прекрестив его рукою, вдаетъ великому кн(я)зю и гл(агол)а ему: «О, б(о)говенчанныи ц(а)рю, кн(я)зь великии Иван Васил(ь)евич, всеа Руси самодерж(е)цъ, приимно тъ б(о)говданное ти скипетро правити хурогви великого ц(а)рства Росиискаго, и блюди [л. 461 об.] и храни его, елика твоя сила».
Онъ ж(е)приимымъ поклянется, не снимая ц(а)рского венца. И потомъ архиеп(и)с(ко)пи и еп(и)с(ко)пи, вшед на ц(а)рское место, да бл(а)гословитъ великого кн(я)зя руками. И отшед съ ц(а)рского места, покланяются великому кн(я)зю.
Кн(я)зь же великии, б(о)говенчанныи ц(а)рь, против их мал поклон творитъ, не снимая ц(а)рского венца. А еще ли есть о(те)ць кн(я)зь велики, и митрополитъ, и кн(я)зь велики сядуть на своих местех. И поставленному великому кн(я)зю о(те)ць, княз(ь) велики, велитъ сести подле собя на ц(а)рьскомъ месте. Аще ли [250] несть отца великого кн(я)зя, то митрополитъ бл(аго)с(ло)витъ б(о)говенчаннаго ц(а)ря. И приимъ за десную руку. И посадить его на ц(а)рскомъ его месте. И потом самъ митрополитъ сядеть на своемъ месте. И кн(я)зь великии, б(о)говенчанныи ц(а)рь, и митрополитъ, сидевъ мало, востанутъ. Архидиякъ начнет октению: «Помилуи нас, Б(о)же»; и поминаетъ великог(о) кн(я)зя, а в другои статьи поминаетъ вели[ко]го кн(я)зя поставленнаго и прочая по обычаю.
И по октен(ье) гл(агол)еть митрополии мол(итву):
«О пр(е)с(вя)тая Г(оспо)же Д(е)во Б(огороди)це, вышши еси анг(е)лъ, и арханг(е)лъ, и всея твари ч(и)стеиши; помощница еси обидимымъ, не надеющимся надеяние, убогимъ заступница, печалнымъ утешение, нагимъ одеяние, болнымъ исцеление, грешным сп(а)сение, хр(и)стияномъ всемъ поможение и заступление, о, всемилостивая [л. 461 об.] Г(оспо)же Д(е)во Б(огороди)це. М(и)лостию своею сп(а)си и помилуи бл(а)говерного и х(рист)олюбивого б(о)говенчаннаго ц(а)ря, великого кн(я)зя Ивана Васил(ь)евича, всеа Руси самодръжьца, на многа лета; и вся хр(и)стияня ризою ч(е)стною защити и умоли ис тебе воплощагос(я) Х(рист)а, Б(ог)а н(а)ш(е)го, препояши, Г(оспо)же, силою свыше на невидимыя и видимыя враги н(а)ша. О всем(и)л(о)стивая Г(оспо)же, Вл(а)д(ы)ч(и)це Б(огороди)це, воздвигни ны из глубины греховныя, избави нас от огня и потопа, от нахожения иноплеменникъ, от усобныя рати, от мирския печали, от пр(и)сныя см(е)рти, от всякого зла подаждь, Г(оспо)же, мир и здравие рабомъ своим. Просвети нам ум и очи с(е)рд(е)чныя, еж(е) ко сп(а)с(е)нию сподоби ны, грешныя рабы Твоя, ц(а)рствию С(ы)на29 Твоег(о), яко держава Х(рист)а, Б(ог)а нашего, съ Отц(е)мъ и с прес(вя)тьмъ бл(а)гымъ и животворящимъ Ти Д(у)хомъ и н(ы)не и пр(и)сно и в веки векомъ. Амин(ь)».
И по молитве сядуть митрополитъ и великие кн(я)зи на своих местех. Аще ли нес(ть) отца великого кн(я)зя, то по молитве сядеть поставленныи кн(я)зь великии и митрополитъ на своих местех. И архиеп(и)с(ко)пы, и еп(и)с(ко)пы, и вес(ь) с(вя)щ(е)ны соборъ стоять по своимъ местомъ. И великого кн(я)зя братия и дети стоят по своим же местомъ, за ними боляре, и вси велможи, и вси православные хр(и)стияне с великимъ вниманиемъ и со многимъ молчаниемъ ожидаютъ слышати со многою радостию ц(а)рскаго мног(о) [л. 462] летнаго здравия. И потомъ архидиякон или протодиякон на то уготованныи взыдеть на амбонъ и гл(аголе)ть велегласно: «Многолетие великому кн(я)зю, бл(а)говерному, и х(рист)олюбивому, и Б(о)гомъ избранному, и Б(о)гомъ почтену великому кн(я)зю, б(о)говенчанному ц(а)рю Ивану Васил(ь)евичю, Владимерскому, и Новгороцкому, и Московскому, и всеа Руси самодръжьцу, много лета».
И потомъ протопопы и с(вя)щенници во олтаре и дияки по крилосомъ поютъ великому кн(я)зю многолетие, по тому ж(е). И по многолетии митрополитъ, встав, призываетъ къ собе архиеп(и)с(ко)пы, и еп(и)с(ко)пы, и вес(ь) с(вя)щенныи збор, покланяются и поздравятъ обоих великих кн(я)зеи.
Поздравление великому кн(я)зю от митрополита, и от архиеп(и)с(ко)пов, и еп(и)с(ко)пов, и от всего с(вя)щеннаго събора.
«Б(о)жиею м(и)л(о)стию о С(вя)темъ Д(у)се, г(о)с(по)д(и)нъ и с(ы)нъ с(вя)тыя ц(е)ркви, нашего смирения радуися, о б(о)говенчанныи ц(а)рю, кн(я)зь велики Иван Васил(ь)евич, всея Руси самодръжецъ, на своемъ великомъ Росиискомъ ц(а)рстви, о б(о)годанномъ ти, и съдръжи скипетро, и прави хоругви по Б(о)жии воли, и буди здрав и многолетен и во многие роды и лета съ своею бл(а)городною и х(рист)олюбивою великою кня[г]инею и царицею Анастасиею, и своимъ братомъ со кн(я)зем Георгиемъ Васил(ь)евичем, и своими бояры, и з богомолцы, [л. 462 об.] и з доброхоты, и со х(рист)олюбивыимъ воинствомъ, и со всеми православными хр(и)стияны; и надаи вамъ Г(оспод)и видети на своемъ ц(а)рстве с(ы)ны своих в роды и роды и на многие роды и лета. И да возвысить Г(о)с(по)дь ц(а)рьскую десницу твою надо всеми твоими недруги и враги, и устроить Г(о)с(по)дь ц(а)рство твое мирнои вечно в род и род и на многая лета будеть многолетно».
И потомъ отходять на своя места. И потомъ братия великого кн(я)зя, дети великого кн(я)зя приходятъ и поздравятъ великих кн(я)зеи обоих, и потомъ бояря творятъ поклонение и поздравление обоимъ великимъ кн(я)земъ, и вси людие то ж(е) творятъ. И потомъ княз(ь) велики и митрополитъ поучаютъ великого кн(я)зя поставленного о полезных. Аще ли несть великог(о) кн(я)зя отца, то поклоняютца и поздравствуютъ одному великому кн(я)зю поставленному, и потомъ поучаетъ митрополит великого кн(я)зя о полезных.
Поучение митрополич(ье) к великому кн(я)зю: [251]
«О С(вя)темъ Д(у)се, г(о)с(по)д(и)нъ и возлюбленныи с(ы)нъ с(вя)тыя ц(е)ркви, и нашего смирения кн(я)зь велики Иван Васил(ь)евич, всеа Руси самодръжец, се отн(ы)не от Б(ог)а поставлен еси кн(я)зь великии, б(о)говенчанныи ц(а)рь, правити хурогви и содръжати скипетръ великого ц(а)рства Росиискаго. И венчан еси симъц(а)рскимъ венцемъ по бл(а)годати С(вя)т(о)го Д(у)ха, и по м(и)лости пр(е)с(вя)тыя Б(огороди)ца, [л. 463] и по бл(аго)с(ло)в(е)нию великого чюдотворца Петра, митрополита Киевскаго и всеа Руси, и всех с(вя)тых м(о)л(и)твами, и по бл(а)гословению пр(и)сно помнимаго с(вя)т(о)го отца твоего, великого кн(я)зя Василия Ивановича, всеа Руси самодръжца. И по даннеи нам бл(а)годати от с(вя)т(о)го и животворящего Д(у)ха рукоположениемъ нашего смирения со архиеп(и)с(ко)пы, и еп(и)с(ко)пы Руския митрополия, и со всеми с(вя)щ(е)нными съборы во с(вя)теи соборнеи ц(е)ркви Успения пр(е)с(вя)тыя Б(огороди)ца у чюдотворных гробов великих чюдотворцов Петра и Алексея, Ионы, митрополитов всеа Руси, и прочих с(вя)тых митрополия въ ц(а)рствующем твоемъ граде Москве, и ты, г(о)с(по)д(и)не и с(ы)нъ, б(о)говенчанныи православныи ц(а)рь, кн(я)зь велики Иван Васил(ь)евич, всея Руси самодержецъ, имеи страх Б(о)жи въ с(е)рдци и сохрани веру хр(и)стиянскую греческаго закона ч(и)сту и непоколебиму, соблюди ц(а)рство свое ч(и)сто и непорочно, якож(е) н(ы)не30 приял еси от Б(ог)а; и люби правду, и м(и)л(о)сть, и суд правыи, к послушнымъ м(и)л(о)стивное, ко с(вя)теи31 ж(е)соборнеи ц(е)рькви и ко всемъ с(вя)тымъ ц(е)рквамъ. Имеи веру и страх Б(о)жии и воздаваи ч(е)сть, понеж(е) в неи ц(а)рю второе порожен еси от с(вя)тыя купели д(у)ховнымъ с(вя)тымъ порожениемъ, и ко с(вя)тымъ ч(е)стнымъ манастырем велию веру дръжи поданнеи ти от Б(ог)а ц(а)рстеи власти к нашему ж(е)смирению и ко всемъ своимъ б(о)гомолцемъ о С(вя)темъ Д(у)се ц(а)рьское свое д(у)ховное повиновение по Х(ри)с(то)ву еуагльскому [л. 463 об.] словеси ко с(вя)тымъ своимъ уч(е)н(и)комъ и ап(о)с(то)ломъ гл(аголю)щу слушая, и вас мене слушаеть; а отметаяся вас мене отметается отметая, ис мене отметается пославшаго мя, и сего ради ведяще се, елико кто ч(е)сть воздаетъ с(вяти)т(е)лю, и та ч(е)сть к самому Х(рист)у возходить, от негож(е) и мъзды приимугъ сторицею. Братию ж(е)свою по плоти, о бл(а)гоч(е)стивыи и б(о)голюбивыи ц(а)рю, люби и почитаи по присному своему д(у)ховному съузу и по б(о)жественному ап(о)с(то)лу любя, ибо реч(ь) брата своего в Бозе пребываетъ, и Б(о)гъ в немъ; бояр же своих и велмож жалуи и бреги по их от(е)честву ко всемъ же кн(я)земъ, и княжатам, и детем боярскимъ, и ко всему х(рист)олюбивому воинству буди приступен, и м(и)л(о)ст(и)въ, и приветен по ц(а)рьскому своему сану и чину. Всех же православных хр(и)стиян блюди, и жалуи, и попечение о них имеи от всего с(е)рдца. За обидящих же стои, ц(а)рьскии и мужскии не попускаи, не даваи обидети не по суду и не по правде. Се бо оз ц(а)рю приял еси от Б(о)га скипетро правити хуругви великог(о) ц(а)рства Росииского, и разсуди, и управи люди твоя в правду, блюди и храни бо бодренно от дивиих волкъ, губящих е, да не растлять Х(ри)с(то)ва стада словесных овец, от Б(о)га вданнаго ти и врученнаго Х(ри)с(то)ва стада содръжати скипетро по воли Его с(вя)тои и по вашему исконному ц(а)рскому жребию и от(е)честву тог(о) великого Росииского ц(а)рства. И паки гл(агол)ю ти, б(о)голюбивыи ц(а)рю, блюди з Б(о)гомъ [л. 464] и храни, елика твоя ц(а)рская вл(а)сть и сила содръжитъ, и покрываемъ выш(е) нег(о) десницею и хранимъ бл(а)годатию С(вя)т(о)го Д(у)ха от всех врагов твоих видимых и невидимых. Гл(агол)еть бо Г(оспод)ь Б(ог)ъ пр(о)роком: «Аз воздвигох тя с правдою ц(а)ря, и приях тя за руку, и укрепих тя». Сего ради слышите, ц(а)рие, и разумеите, яко от Б(о)га данна бысть дръжава и сила от вышняго вас бо Г(о)с(по)дь, в семе бе место и образ на земли, и на свои пр(е)ст(о)лъ вознес(я), посади м(и)л(о)сть, и животъ полож(и) у вас. Вамъ ж(е) подобаетъ, приемше от вышнего повеление, правление ч(е)л(о)в(е)ч(е)скаго рода православнымъ ц(а)ремъ не токмо о своих пещися и свое точию житие правити, но все обл(а)годаемое о(т) треволнения спасти, и соблюдати стадо его от волков невредимо, и боятися серпа н(е)б(е)снаго, не давати воля зло творящим ч(елове)комъ, иж(е) д(у)шю с теломъ погубляющимъ. Якож(е)бо с(о)лнцу на земли несущу темно суть вси и неразсудно, сице и наказание д(у)ши несущи размешенно бо все едино бо точию. Добродетел(ь) от стяжании бесм(е)ртно суть, и паки ти гл(агол)ю, о б(о)говенчанныи ц(а)рю, цело и имеи мудрование православным догматомъ, почитаи излише м(а)т(е)ре твою, ц(е)рк(о)вь, яж(е) о С(вя)темъ Д(у)се тя воздои, да и самъ почтен будеши от нея, и с(вя)щенникъ стыдися, яко овца: ходатае д(у)ховные къ Б(ог)у ч(е)сть бос(вя)щенническая на Б(ог)а [л. 464 об.] восходит, тако и еж(е) на них бещестие множае паче Б(ог)а прогневает. Языка ж(е)лстива и слуха суетна не приемли, ц(а)рю, ниж(е) оболгателя слушаи, но ни злым ч(е)л(ове)комъ веры емли, смотряи в себе, о бл(а)говенчанныи ц(а)рю, яко всемъ ч(е)л(ове)ком м(у)дрость ч(е)стнеиши [252] ес(ть) и всемъ тщателнеиши. Вси бо ту, яко бл(а)гу, похваляють, и люб(о)м(у)дры ти быти подобаетъ или м(у)дрымъ последовати: на них жо воистинну, яко на пр(е)ст(о)ле, Б(о)гъ почиваетъ. Не тако красная мира вся, яко.ж(е) добродетел(ь) красить вся, но зри доброту д(у)ховную и раздаваи саны туне, а не на дарех продаваи власти: еж(е) бо ценою купивыи власть множе пач(е) обл(а)годаемыя купуетъ, якомъ созданию надеяся ко мздо прияти ю, без боязни зритъ. Аще бо неприступен еси ц(а)рю, нужа буди ц(а)рства не удобьприступен буди, горняя ради власти, но имаши самъ ц(а)ря, иж(е) на н(е)б(е)сех. Аще бо Он всеши печется, яко Б(ог)ъ, сице потребно ес(ть) ц(а)рю, и то б(ы) ничто.ж(е) презирати тщи, о б(о)говенчанои ц(а)рю, не точию си, а ц(а)рства исправити нравы бл(а)гими, но и н(е)б(е)сная наследовати добродетелными бл(а)годеянми. И аще хощеши имети Б(о)га, Ц(а)ря Н(е)б(е)снаго, м(и)л(о)стив буди ты, ц(а)рю, ко всем. Да и зде добре и бл(а)гоугодно поживеши и ц(а)рствуеши веки векомъ добрымъ [л. 465] слухомъ зде, а тамо славою со анг(е)лы Б(о)жьими преж(е) втораго Воскр(е)с(е)ния и Страшнаго суда силою Творца, и пр(е)м(у)дростию Искупителя, и Д(у)ха С(вя)т(о)го бл(а)годатию возмогаи, о бл(а)гоч(е)стивыи ц(а)рю, о Х(рист)е. И паки возмогаи, да наследникъ будеши Н(е)б(е)снаго Ц(а)рствия со всеми с(вя)тыми православными ц(а)ри, да возможеши з дерзновениемъ рещи и во второе пришествие Г(оспод)а Б(ог)а и Сп(а)са н(а)шего И(ису)с Х(рист)а: «Се яз, Г(оспод)и, и люди Твои, иж(е) ми си дал великаго Твоего ц(а)рства Росиискаго». И тогда, о бл(а)гоч(е)стивыи и б(о)говенчаныи ц(а)рь, и самъ услышиши слаткии он глас н(е)б(е)снаго ц(а)ря и Б(ог)а: «Бл(а)гыи мои раб(е), добрыи верныи Росиискии ц(а)рю Иоанне, о мале ми бысть верен, над многими тя поставлю». Вниди в радость Г(оспод)а своего, и тогда, ц(а)рю, внидешь во Ц(а)рство Н(е)б(е)сное со всеми с(вя)тыми, и приимеши неуведаемыя славы венца по б(о)жественому ап(о)столу. Иж(е) око не видь, и ухо не слыша, и на серце ч(е)л(ове)ку не взыде, яж(е) уготова Б(ог)ъ любящимъ его, и тогда, б(о)говенчанныи ц(а)рю, против своих ц(а)рских подвиг и трудов приимеши от Б(ог)а мзду сторицею, и начнеши со Х(рист)омъ ц(а)рьствовати въ Н(е)б(е)сномъ Ц(а)рстви, со ангилы и со всеми с(вя)тыми славити Б(ог)а въ Тро(и)ци поклоняема, и веселитися с ними в бесконечныя веки. Буди ж(е)с тобою, б(о)говенчаннымъ и православнымъ ц(а)р(е)мъ, и намъ получити Ц(а)рство Неб(е)сное бл(а)годатию, ч(е)л(ове)колюбиемъ [л. 465 об.] Г(оспод)а нашего И(ису)с Х(рист)а. С ним же Отцу купно и С(вя)т(о)му Д(у)ху ч(е)сть и поклоняние н(ы)не и пр(и)сно и в веки веком. Амин(ь)».
И потомъ митрополитъ бл(а)гословляетъ ц(а)ря кр(е)стомъ и паки гл(аголе)ть к нему: «Б(о)говенчанныи ц(а)рю, кн(я)зь велики Иван Васил(ь)евич, всеа Руси самодръжецъ, буди на тобе м(и)л(о)сть Бож(ь)я и пр(е)ч(и)стыя Б(огороди)ци, и сила и животворящего кр(е)ста и великих чюдотворцовъ, и всех с(вя)тых м(о)л(и)твами бл(аго)с(ло)в(е)ние, да и н(ы)нешняго смирения м(о)л(и)тва и бл(а)гословение всего с(вя)щ(е)ннаго собора руския митрополия отн(ы)не, и до века, и во многие роды и лета. И на твоеи Б(о)гомъ дарованнои великои княгине, ц(а)рице, и на ваших Б(о)гомъ дарованных ц(а)рских чадех, и умножить Г(оспод)ь Б(о)гъ летъ живота ц(а)рства вашего, и узриши с(ы)ны с(ы)новъ твоих, и устроить Г(оспод)ь ц(а)рьство твое, и возвысить Г(оспод)ь ц(а)рскую десницу твою над всеми твоими недруги и враги, и устроить Г(оспод)ь Б(ог)ъ ц(а)рство твое мирно и вечно в род и род и навеки».
И вси людие рекуть: «Будеть и будеть многолетно». И после поучения митрополи и великие кн(я)зи сыдуть с места. И митрополитъ совершаетъ о(т)пус(т) молебну да бл(а)гословляетъ кр(е)стомъ великих князеи, и братию, и детеи великого кн(я)зя. И великие кн(я)зи поидуть к деснеи стране на уготованные свои места, и митрополитъ паки восходитъ на то ц(а)рское поставление место и потомъ начинаетъ литургию. [л. 466] Б(о)говенчанныи ж(е)ц(а)рь, кн(я)зь велики Иван Васил(ь)евич, всеа Руси самодръжець, стоитъ на своемъ месте всю обедню во всемъ своемъ ц(а)рскомъ сану. И егда на выход поидуть со Еуаг(ге)лиемъ. И тогда архидьякон приносить к митрополиту с(вя)тое Еуаг(ге)лие, митрополитъ ж), целовав с(вя)тое Еуаг(ге)лие, посылаетъ со архидиякономъ к великому кн(я)зю с(вя)тое Еуаг(ге)лие. Кн(я)зь велики же,снемъ съ собя ц(а)рьскии венецъ, целуеть с(вя)тое Еуаг(ге)лие и поклоняется. И пак(и) возлагаетъ на32 собя ц(а)рьскии венець. И егда начнете архидьякон ч(ита)сти с(вя)тое Еуаг(ге)лие, и тогда кн(я)зь велики снимаетъ съ собя ц(а)рски венецъ и поставляетъ его на златомъ блюде. И егда архидиякон с(вя)тое Еуаг(ге)лие да приносить к великому кн(я)зю, кн(я)зь велики ж(е)целуетъ с(вя)тое и покланяется. И паки ц(а)рьскии венець приимъ, на главу возлагаетъ. И егда на херувимскои песни выход творятъ, и тогда кн(я)зь велики снимаетъ съ собя ц(а)рьски венець да поставляеъ его на златомъ блюде и поклоняется З-ж(ды) до земля. И паки [253] на собя возлагаетъ ц(а)рьскии венецъ, и после херувимския песни приимъ митрополитъ свещу и, став въ ц(а)рских дверех, осеняетъ кр(е)стаобразно. И потомъ приходитъ кн(я)зь велики, б(о)говенчанныи ц(а)рь, къ ц(а)рскимъ дверем. И митрополитъ ег(о) бл(а)гословляетъ кр(е)стомъ да возлагает на нег(о) чеп(ь) злату аровиискаг(о) злата, что прислал греческии ц(а)рь Костянтин Манамах съ с(вя)тыми бармами и с ц(а)рским венцем [л. 466 об.] на поставление великих кн(я)зеи руских. И потомъ княз(ь) велики отходитъ на свое ц(а)рское место. И егда речет с(вяти)т(е)ль изрядно: «Пр(е)с(вя)теи Б(огороди)ци». И тогда кн(я)зь велики снимаетъ съ собя ц(а)рскии венецъ, и поставляетъ его на златом блюде, и покланяетьс(я) З-ж(ды) до земля, и потомъ возлагаетъ на собя ц(а)рскии венецъ, и стоит в ц(а)рскомъ сану и до помозания с(вя)т(о)го великаго мира и до причащения с(вя)тых животворящих Б(о)ж(е)ственых Х(ри)с(то)вых Таинъ. Внегда ж(е) речетъ диякон: «Вонмем»
Чинъ и Устав о еже како подобаетъ помозати ц(а)ря и великого кн(я)зя великимъ миромъ на венчание ц(а)рскаго их венца на Б(о)жествене литоргии.
Внегда же реч(е) диякон: «Вонмемъ». С(вя)т(ите)ль же: «С(вя)тая с(вя)тымъ». И потом причастится с(вя)т(ите)ль Б(о)жественымъ таинам, телу и крове Г(оспод)а н(а)шег(о) И(ису)с Х(рист)а. И повелеваетъ о(т)връсти ц(а)рския двери, и постилаютъ ковер ч(и)стъ нов пред ц(а)рскими двери. На него возлагаютъ покров нов о(т) бархата червчата. И от него постилаютъ бархаты и камки и до самог(о) ц(а)ря. И потом с(вя)т(ите)ль посылаетъ архидьякона и протопопа, и призыват ц(а)ря на помазание с(вя)т(о)го великог(о) мира ко причастию с(вя)тых и животворящих Б(о)жественых Х(ри)с(то)вых Таин. Они ж(е) исходять сиверскими дверми и идуть по деснои стране уготованнаго ц(а)рскаг(о) пути, оба вкупе пришед ко ц(а)рю, покланяются бл(а)гочинно ниж(е) пояса оба ж(е) вкупе. И тогда гл(аголе)ть ко ц(а)рю един [л. 467] архидьякон со всяцемъ бл(а)гоговениемъ: «Г(оспод)и, с(вя)тыи б(о)говенчанныи ц(а)рю, призываетъ тя с(вя)тыи патриярхъ. Или прес(вя)щенныи митрополитъ, от(е)ць твои, со всемъ с(вя)щеннымъ соборомъ на помазание великаго мира и ко причастию с(вя)тых животворящих Б(о)ж(е)ственых Х(ри)с(то)вых Таин, гряди к намъ о С(вя)темъ Д(у)се с миромъ». И потомъ поклоняютьс(я) ц(а)рю по прежнему чину со всяким бл(а)гочинием и отходятъ паки во с(вя)тыи олтар(ь) теми ж(е) дверми. И тогда ц(а)рь поидеть по уготованномъ пути во всемъ своемъ ц(а)р(с)комъ сану ко ц(а)рскимъ дверемъ тихо и бл(а)гочинно по ц(а)рскому чину по поставленному пути. И егдаж(е) ц(а)рь грядеть по уготованному пути до ц(а)рских двереи, то никтож(е) дерзнеть съ своих местъ преступати или преходити, но со страхомъ и с великим трепетом да предстоят кождо на своих местех бл(а)гочиния ради. Бываетъ ж(е) тогда пач(е) по всеи ц(е)ркви велие молчание ц(а)рскаго ради прехожения.
Аще ли есть о(те)ць ц(а)р(е)въ, то грядуть оба ц(а)ря вкупе и до ц(а)рских вратъ. И егда преидуть ко ц(а)рскимъ дверем и станутъ на уготованномъ месте оба ж(е) вкупе. И тогда с(вя)т(ите)ль станетъ во ц(а)рских дверех, и принесуть ему архиеп(и)с(ко)пы и еп(и)с(ко)пы великое с(вя)тое миро на златомъ блюде, и приимъ с(вяти)т(е)ль с(вя)тое миро своима рукама. И прекр(е)стив рукою (три)ж(ды), и тогда ц(а)рь отдаетъ скипетро дръжати брату своему или с(ы)ну. Аще ли несть брата ли с(ы)на, то отдаетъ велможе некоему. И тогда снимаетъ со главы [л. 467 об.] ц(а)рьскии свои венецъ, и поставляетъ ег(о) на златомъ блюде, и велит дръжати брату ж(е) своему или сродничемъ своимъ. Аще ли несть, то повелитъ дръжати двумъ болшимъ стратигомъ, сииреч(ь) бояриномъ, на златомъ блюде близ собя на уготованномъ месте до совершеннаго времени. И потомъ приходитъ ц(а)рь, хотяи помазатися, вонь двереи стоя. И с(вя)т(ите)ль его похризмит, сииреч(ь) помазуетъ, с(вя)тымъ миромъ на чале, и на обою ушию, и на персех, и на плещу, и на обою руку на дланех, и от другая страны, гл(агол)я такое ж(е) до помазания: «Печать и даръ С(вя)т(о)го Д(у)ха. Амин(ь)». Потомъ с(вя)т(ите)ль приемлетъ вамъбакъ ч(и)стъ и от трыстъ ч(и)стая от напомазания, да не како что от него на земли падеть и сожигаетъ его в месте сокровенне во олтари, тако пребываетъ осмаго дне не омывен. Та ж(е) гл(аголе)ть: «Приступи, ц(а)рю».
Аще достоин помазанныи причаститися, и абие причащаетъ его. И тогда, приимъ ц(а)рьскии свои венець, возлагаетъ его на главу и приемлетъ скипетро в десную руку, отходитъ, радуяся и бл(а)годаря Б(ог)а, сподоблыпаг(о) его таково страшнои Б(о)жествеи Таине, по тому ж(е) пути на ц(а)рьское свое место к деснеи стране; и имеетъ у собя ц(а)рь ручникъ платен ч(и)стъ, и сим обрыковатися сиреч(ь) утиратися или ясть или пиетъ не омывати никакождо осмаго дне.
Въ осмыи ж(е) д(е)нь окупався, якож(е) и преже налагает [л. 468] другая одеяния на ся. Первое ж(е) в немъж(е) бе испираеть, сииреч(ь) омываетъ, в реце со всякимъ страхом, яко да ничто от сих от невнимания [254] попираемо будеть ногами или инем чемъ сия дозде. С(вя)т(ите)ль же, свершив Б(о)жественую литургию, станетъ во ц(е)рк(о)вных дверех, и тогда приходять ц(а)ри и приемлют от него с(вя)тую дору. Аще ли несть отца ц(а)ря, то един ц(а)рь приходить ко с(вя)тои доре. И потомъ отходитъ на свое ц(а)рьское место тем же ц(а)рьскимъ путем. И егда с(вя)т(ите)ль, раздав с(вя)тую дару, и отпус(т) сотворитъ, и тогда исходитъ из олтаря со всемъ с(вя)щеннымъ собором, приимъ с(вя)тую просфиру. И поидеть с(вя)т(ите)ль един тем же ц(е)рк(о)вным путем и до самого ц(а)ря, прочи ж(е) с(вя)т(ите)ли и вес(ь) с(вя)щеныи собор по обе страны ц(а)рьского пути грядуть и до самог(о) ц(а)ря. И тогда с(вя)т(ите)ль со всемъ с(вя)щеннымъ събором поздравают ц(а)ря помазании с(вя)т(о)го великог(о) Рима и о причащени с(вя)тых животворящих Б(о)жественых Х(ри)с(то)вых Таин. И вдает ему с(вя)тую просфиру. [Ца]рь же, приим с(вя)тую просфиру, зоветъ с(вя)т(ите)ля, и архиеп(и)с(ко)пы, и еп(и)с(ко)повъ, и вес(ь) с(вя)щенныи собор хлеба ясти. И потом с(вя)т(ите)ль бл(а)гословляетъ ц(а)ря кр(е)стомъ и дав о Х(рист)е целование. И кн(я)зь велики поидетъ къ себе во ц(а)рьския своя полаты.
И поставленныи б(о)говенчанныи ц(а)рь, кн(я)зь велики Иван Васил(ь)евич, всеа Руси самодръжец, и поидеть из ц(е)ркви и пр(е)с(вя)тыя Б(огороди)ца во ц(а)рьскомъ венце и во с(вя)тых бармах южными дверми ко ц(е)ркви с(вя)т(о)го архистратига [л. 468 об.] Михаила33. И как кн(я)зь велики из двереи выдеть от плошади, туто ег(о) осыпати златыми денгами на мосту и сребряными (три)ж(ды) великог(о) кн(я)зя брату, кн(я)зю Юр(ь)ю Васил(ь)евичю, и потом поидетъ княз(ь) велики ц(а)рскимъ своимъ путем от с(вя)тыя соборныя ц(е)ркви ко с(вя)тому архангилу Михаилу тихо и бл(а)гочинно по ц(а)рьскому своему чину и сану, путь ж(е) вес(ь) послан червчатыми поставы. И за ним поидуть великог(о) кн(я)зя братия и дети по тому ж(е) бл(а)гочинию и строинно по ц(а)рскому чину. И за ними поидуть вси бояре, и кн(я)зи, и прочии велмож(и), и бл(а)городнии юноша многое множ(е)ство, со многимъ бл(а)гочинием и бл(а)годарением всылающе сл(а)ву всесилному Б(ог)у, и прославляюща и похваляюща б(о)говенчаннаго ц(а)ря, великого кн(я)зя Иван(а)34 Васил(ь)евича, всеа Руси самодръжца. Бе бо чюдно то видети ц(а)рское то прехож(е)ние. И по обе страны ц(а)рскаго пути идуть многия околничия, и многия чиновники хранят тои ц(а)рскии путь бл(а)гочиния ради, да никтож(е) дерзнеть преходити тог(о) ц(а)рьского пути, донеже ли ц(а)рь проидеть.
Бе бо тогда и всенародное многое безчисленное множ(е)ство православных хрестиян, стоятъ кождо по своимъ местомъ со страхомъ и трепетом, и со многою с(е)рд(е)чною радостию дивятьс(я) ц(а)рскому чюдному тому происхожению, и славу всылаютъ всесилному Б(ог)у, и бл(а)годарственьми хвалами похваляютъ ц(а)ря, егда воидетъ ц(а)рь въ с(вя)тую ц(е)рк(о)вь архангила Михаила. И тогда бываетъ [л. 469] ектения, и бл(аго)с(ло)вляется от протопопа кр(е)стомъ, и знаменуется у с(вя)тых икон. И потомъ прокладывается у гробов великих кн(я)зеи, не снимая ц(а)рского венца. И как кн(я)зь велики из ц(е)рк(о)вных двереи изыдеть, и туто его осыпати ж(е) денгами златыми и сребряными триж(ды) брату его, кн(я)зю Юр(ь)ю Васил(ь)евичю, от архангила с(вя)т(о)го Михаила ко Бл(а)говещению пр(е)ч(и)стыя Б(огороди)ца. Ц(а)рскии путь по тому ж(е) чину устроен, якож(е) и от соборнои ц(е)ркви ко архангилу: по обе страны околничие многие чиновники. И потомъ княз(ь) велики идетъ от с(вя)т(о)го архангила Михаила ко Бл(а)говещению пр(е)ч(и)стыя Б(огороди)ца, во Бл(а)говещени по тому ж(е) октен(и)ю говорятъ. И протопоп бл(а)гословитъ его кр(е)стомъ. Да поидетъ от Бл(а)говещения какъ съступитъ со станешние ступени на площад(и), и приидет къ среднеи лествице, и тутъ великог(о) кн(я)зя осыпати денгами златыми и сребряными трижды брату ж(е) его, кн(я)зю Юрью Васил(ь)евичю.
И оттоле княз(ь) велики, б(о)говенчанныи ц(а)рь, идетъ въ ц(а)рьския своя полаты, и тамо о немъ вся по чину ц(а)рскому свершаются. Аще ли ес(ть) кн(я)зь велики, поидетъ ко отцу и к матери. И тогда в соборнои ц(е)ркви ц(а)рскии постланныи он путь поднимаютъ на то уготованныя чиновники. С(вя)т(ите)ль же отходитъсо всеми с(вя)т(ите)ли на поставленное первое ц(а)рское место, и тамо всолачатся от санов своих, и исходять из ц(е)ркви, хваля, и моля, и бл(а)годаря Х(рист)а Б(ог)а, и пр(е)ч(ис)тую [л. 469 об.] Б(огороди)цу, и великих чюдотворцовъ, и всех с(вя)тых. И томъ с(вя)том б(о)говенчаном великомъ ц(а)рскомъ поставлении. И тогда то ц(а)рьское поставленое место вес(ь) народ обираетъ, кождо что возметъ, на ч(е)сть ц(а)рскаго поставления. И проче постланных бархатов и камокъ, понеж(е) бархаты и камъки преж(е) того съ ц(а)рскими с(вя)т(ите)льскими месты поднимаются; и потомъ вси ц(а)рстеи и тряпезе приемни бываютъ. Пиру ж(е) злое ч(е)стну и велику сотворяему новым ц(а)рем. Ц(а)рь же, митрополитъ, еп(и)с(ко)пы и мнози [255] б(о)городнии вси людие веселими бываютъ, и мнози ч(е)стнии дарове от ц(а)ря износятся. И ниших35 паче повелениемъ ц(а)рьскимъ и с(вя)т(ите)льским доволно учрежаеми бывають. И тако вси неизгл(агол)анною радостию веселяхутьс(я) и бл(а)годарьственую славу всесилному Б(ог)у воздаваютъ, ц(а)ря хвалами и ч(е)стьми почитаютъ. И потомъ, кождо во своя отхожаше, покои получити, хваля и бл(а)годаря всемогущую Троицу: Отца и С(ы)на и С(вя)т(о)го Д(у)ха н(ы)не и пр(и)сно и в веки векомъ. Аминь.

Текст воспроизведен по изданию: Сказание о князьях владимерских // Новгородская летопись по списку П. П. Дубровского (Полное собрание русских летописей. Т. XLIII). М., 2004, С. 244 – 256.

1 Слова: Сказание… владимерских написаны вязью.

2 Написано без титла.

3 Написано без титла.

4 Написано без титла.

5 Испр.; ркп. пообл(а)года.

6 Так в ркп.

7 Написано без титла.

8 Написано без титла.

9 Так в ркп., вероятно, должно быть Иудеею.

10 В ркп. ни написано дважды.

11 В ркп. испр. тем же почерком из части.

12 Написано без титла.

13 Написано без титла.

14 Написано без титла.

15 В ркп. со написано дважды.

16 Написано без титла.

17 Написано без титла.

18 Написано без титла.

19 В ркп. испр. тем же почерком из алтом.

20 В ркп. испр. из сребе.

21 Так

22 В ркп. и зачеркнуто позднее

23 В ркп. великого му; му зачеркнуто в XVII в.

24 Написано без титла.

25 Написано без титла.

26 В ркп. испр. из стажал

27 Написано без титла.

28 Написано на правом поле.

29 Написано без титла.

30 Написано без титла.

31 Написано без титла.

32 Написано дважды

33 Испр; в ркп. ми написано дважды

34 Написано под строкой

35 Так в ркп.

Комментарии
Поиск
Только зарегистрированные пользователи могут оставлять комментарии!
Русская редакция: www.freedom-ru.net & www.joobb.ru

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."